„Ég býst við hörðum leik," sagði Ari Freyr Skúlason, besti leikmaður Íslands gegn Moldóvu síðastliðinn laugardag, í viðtali eftir leikinn. Hann var þá spurður út í verðandi andstæðing Íslands í undankeppni EM 2020, Albaníu.
Íslenska liðið kom til Tirana, höfuðborgar Albaníu, í gærkvöldi og framundan er leikur gegn heimamönnum á morgun.
Ísland vann 3-0 gegn Moldóvu á heimavelli um liðna helgi, en búast má við erfiðari leik á morgun.
„Þetta er flott fótboltalið og harðir einstaklingar. Ég held að þetta verði hörkuleikur."
„Ef við komum vel gíraðir í þetta og gerum það sem við erum vanir að gera, þá sé ég góðan möguleika að taka þrjú stig."
Leikur Íslands og Albaníu hefst klukkan 18:45 annað kvöld.
Athugasemdir