Ryiad Mahrez var skúrkurinn í liði Manchester City sem mætti Liverpool í ensku úrvalsdeildinni um helgina. Mahrez gat tryggt Manchester City stigin þrjú af vítapunktinum undir lok leiks en brást bogalistinn.
Mikil jarðskjálftahrina hefur verið í Indonesíu síðastliðnar vikur og margir týnt lífi í þessum hörmulegu náttúruhamförum.
Rizky, er 12 ára strákur frá Indonesíu sem slasaðist illa í einum jarðskjálftanum. Hann liggur nú á sjúkrahúsi en líklegt er að hann nái fullum bata með tímanum.
Rizky er mikill aðdáandi Manchester City og heldur mikið upp á Ryiad Mahrez sem kom til liðsins í sumar.
Mahrez frétti af Rizky og ákvað að senda honum kveðju í gegnum myndband sem og senda honum áritaða Manchester City treyju.
Rizky átti mjög bágt með sig þegar hann horfði á myndbandið enda hans helsta átrúnaðargoð að tala beint til hans.
Þetta fallega myndband má sjá með því að ýta hér.
Athugasemdir