„Maður getur í raun ekki sagt neitt eftir svona tap. Þetta var bara slátrun frá upphafi og við áttum ekki breik," sagði Þórhallur þjálfari HK/Víking eftir 6-0 tap á móti Þór/KA á Þórsvellinum í dag.
Lestu um leikinn: Þór/KA 6 - 0 HK/Víkingur
HK/Víkingur átti erfitt uppdráttar í leiknum.
„Þór/KA tók bara yfirhöndina frá fyrstu mínútu og við náum ekki stemmningu upp í okkar liði. Við náum ekki að halda bolta og svo er erfitt að verjast í svona langan tíma. Sjálfstraustið virtist fara úr liðinu, við vorum ekki nógu rólegar á boltann eins og við getum gert og við náum bara engum takti í leikinn okkar."
Næsti leikur HK/Víking er gegn KR. HK/Víkingur situr nú á botninum með 6 stig, stigi minna en KR.
„Fyrir okkur eru allir leikir sem eftir eru úrslitaleikir."
Það er stutt upp töfluna en aðeins tvö stig skilja að liðin í 10. og 6. sæti.
„Þetta er jöfn og skemmtileg deild. Margir skemmtilegir leikir. Þetta er okkar lang lélegasti leikur. Ég held við eigum séns í öll þessi lið og við förum í alla leiki til að vinna."
Viðtalið má sjá í heild sinni hér að ofan.
