Valsmenn eiga flesta leikmenn í liði 5. umferðar í Pepsi Max-deildinni eða þrjá talsins eftir 5-1 útisigur á Víkingi R. Heimir Guðjónsson, þjálfari Vals, hristi upp í byrjunarliðinu og hann er þjálfari umferðarinnar.
Bakvörðurinn ungi Valgeir Lunddal Friðriksson skoraði tvö mörk sem og leikmaður umferðarinnar Patrick Pedersen. Þá var Hannes Þór Halldórsson mjög öflugur í marki Vals á Víkingsvelli.
Grótta vann sinn fyrsta sigur í efstu deild frá upphafi. Karl Friðleifur Gunnarsson og Halldór Kristján Baldursson skoruðu báðir og áttu góðan leik.
Thomas Mikkelsen skoraði tvö mörk fyrir Breiðablik í 3-3 jafntefli gegn FH en þar var Þórir Jóhann Helgason öflugur á miðjunni hjá Fimleikafélaginu.
Djair Parfitt-Williams og Valdimar Þór Ingimundarson voru báðir öflugir í 4-1 sigri Fylkis á KA á heimavelli í gær.
Valgeir Valgeirsson lagði upp mark og var maður leiksins þegar HK gerði 2-2 jafntefli við ÍA á Akranesi. Óttar Bjarni Guðmundsson var öflugur í vörn ÍA auk þess að skora og leggja upp mark.
Sjá einnig:
Lið 4. umferðar
Lið 3. umferðar
Lið 2. umferðar
Lið 1. umferðar
Athugasemdir