Sean Dyche svaraði spurningum fréttamanna eftir flottan 2-0 sigur Everton á heimavelli gegn Chelsea í ensku úrvalsdeildinni í dag.
Dyche segist ekki vera ósammála skoðun Mauricio Pochettino, knattspyrnustjóra Chelsea, um að Chelsea hafi verið betra liðið í leiknum. Hann tekur þó fram að það mikilvægasta í fótbolta er að finna leið til að sigra.
10.12.2023 18:32
Pochettino: Við stjórnuðum leiknum - Misstum þrjá menn í meiðsli
„Ég er ekki ósammála (Pochettino), en að mínu viti er það mikilvægasta í fótbolta að finna mismunandi leiðir til að sigra leiki. Í dag þurftum við að leggja allt í sölurnar gegn verulega sterkum andstæðingum," sagði Dyche að leikslokum.
„Við höfum verið að spila vel á tímabilinu og hugarfar leikmanna er virkilega gott. Þetta snýst ekki bara um byrjunarliðið heldur snýst þetta um allan leikmannahópinn, strákarnir sem eru ekki fastir byrjunarliðsmenn eru stór partur af ástæðunni á bakvið þessa velgengni."
Dyche var að lokum spurður út í Abdoulaye Doucouré sem hefur verið frábær á miðjunni hjá Everton.
„Hann hefur verið til fyrirmyndar síðan ég tók við stjórnartaumunum hér. Hann er ótrúlega mikill vinnuþjarkur sem leggur allt í sölurnar fyrir liðið sitt og liðsfélagana. Við erum stoltir að vera með leikmenn eins og hann innan félagsins."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 28 | 18 | 7 | 3 | 56 | 21 | +35 | 61 |
| 2 | Man City | 27 | 17 | 5 | 5 | 56 | 25 | +31 | 56 |
| 3 | Aston Villa | 27 | 15 | 6 | 6 | 38 | 28 | +10 | 51 |
| 4 | Man Utd | 27 | 13 | 9 | 5 | 48 | 37 | +11 | 48 |
| 5 | Chelsea | 27 | 12 | 9 | 6 | 48 | 31 | +17 | 45 |
| 6 | Liverpool | 27 | 13 | 6 | 8 | 42 | 35 | +7 | 45 |
| 7 | Brentford | 27 | 12 | 4 | 11 | 40 | 37 | +3 | 40 |
| 8 | Bournemouth | 27 | 9 | 11 | 7 | 43 | 45 | -2 | 38 |
| 9 | Everton | 27 | 10 | 7 | 10 | 29 | 31 | -2 | 37 |
| 10 | Fulham | 27 | 11 | 4 | 12 | 38 | 41 | -3 | 37 |
| 11 | Newcastle | 27 | 10 | 6 | 11 | 38 | 39 | -1 | 36 |
| 12 | Sunderland | 27 | 9 | 9 | 9 | 28 | 33 | -5 | 36 |
| 13 | Crystal Palace | 27 | 9 | 8 | 10 | 29 | 32 | -3 | 35 |
| 14 | Brighton | 27 | 8 | 10 | 9 | 36 | 34 | +2 | 34 |
| 15 | Leeds | 27 | 7 | 10 | 10 | 37 | 46 | -9 | 31 |
| 16 | Tottenham | 27 | 7 | 8 | 12 | 37 | 41 | -4 | 29 |
| 17 | Nott. Forest | 27 | 7 | 6 | 14 | 25 | 39 | -14 | 27 |
| 18 | West Ham | 27 | 6 | 7 | 14 | 32 | 49 | -17 | 25 |
| 19 | Burnley | 27 | 4 | 7 | 16 | 29 | 52 | -23 | 19 |
| 20 | Wolves | 28 | 1 | 7 | 20 | 18 | 51 | -33 | 10 |
Athugasemdir
