Breiðablik hóf Fótbolta.net mótið af krafti með 4-2 sigri á Keflavík í Reykjaneshöllinni í dag.

Árni Vilhjálmsson fyrir Breiðablik og þeir Davíð Kristján Ólafsson og Stefán Þór Pálsson skoruðu sitt markið hvor. Davíð og Stefán eru báðir fæddir árið 1995 en sá síðarnefndi var í láni hjá Grindavík í fyrra.

Blikar voru sterkari í leiknum í dag en þeir leiddu 3-1 í hálfleik og komust í 4-1 áður en varamaðurinn Theodór Guðni Halldórsson lagði stöðuna fyrir Keflavík undir lokin.

Skoski vinstri bakvörðurinn Jordan Halsman spilaði með Blikum í dag en hann er á reynslu hjá liðinu. Halsman spilaði með Fram í fyrra.

Ísleifur Guðmundsson lék í vörn Keflvíkinga en hann hefur spilað með Njarðvíkingum undanfarin ár.

Smelltu hér til að sjá leikskýrsluna