Það komu þrír Íslendingar við sögu í leikjum dagsins í sænska boltanum og var Kolbeinn Þórðarson í aðalhlutverki.
Kolbeinn var í byrjunarliði Gautaborgar á útivelli gegn GAIS og skoraði eina mark leiksins eftir 12 mínútur. Hann fékk boltann í góðri stöðu í vítateignum og gerði vel að klára dauðafærið með marki.
Heimamenn í liði GAIS fengu vítaspyrnu skömmu síðar en klúðruðu henni. Þeir fengu einnig færi til að jafna en tókst ekki að skora svo lokatölur urðu 0-1. Róbert Frosti Þorkelsson var ónotaður varamaður í liði GAIS.
Liðin eru bæði í efri hluta deildarinnar. GAIS er fjórum stigum frá Elfsborg í Evrópusæti, einu stigi fyrir ofan Göteborg.
Elfsborg er í þriðja sætinu sem veitir þátttökurétt í forkeppni Sambandsdeildarinnar næsta haust. Ari Sigurpálsson og Júlíus Magnússon komu báðir inn af bekknum í leik liðsins í dag.
Elfsborg tók þar á móti botnliði Varnamo og urðu lokatölur 2-2 þrátt fyrir umtalsverða yfirburði heimamanna.
Elfsborg er tíu stigum á eftir toppliði Mjällby og aðeins tveimur stigum fyrir ofan AIK í Evrópubaráttunni.
GAIS 0 - 1 Göteborg
0-1 Kolbeinn Þórðarson ('12)
0-1 I. Diabate, misnotað víti ('21)
Elfsborg 2 - 2 Varnamo
Kolbeinn Thordarson! Blåvitt tar ledningen mot GAIS
— Sports on HBO Max ???????? (@sportshbomaxse) August 11, 2025
???? Se matchen på HBO Max pic.twitter.com/p3af08E2BZ
Athugasemdir
