Gyrðir Hrafn var að spila sinn áttunda leik í Bestu deildinni í sumar.
Hrannar Snær hefur átt frábært tímabil, skoraði mark Aftureldingar í gær með skalla eftir horn.
Gyrðir Hrafn Guðbrandsson átti mjög góðan leik þegar KR vann Aftureldingu í Bestu deildinni í gær. Gyrðir lék sem hægri bakvörður í leiknum og hélt heitasta leikmanni Aftureldingar, Hrannari Snæ Magnússyni, niðri.
Lestu um leikinn: KR 2 - 1 Afturelding
„Mér fannst annað að sjá þetta KR lið núna, fannst þeir verjast vel þegar þeir misstu boltann. Þar ætla ég að nefna Gyrði Hrafn í hægri bakverðinum, mögulega settur til höfuðs Hrannari; við vitum hvað Hrannar getur gert í hröðum sóknum. Gyrðir er svo hraður líka og svo sterkur. Einn á móti einum er hann rosalega flottur, það hjálpaði þeim í þessum leik, hann hélt Hrannari í skefjum," sagði Valur Gunnarsson í Innkastinu.
„Hann greip tækifærið, hann er ekki búinn að vera sáttur við spiltímann sinn," sagði Elvar Geir.
Óskar Hrafn Þorvaldsson, þjálfari KR, ræddi um Gyrði í viðtali á miðlum KR eftir leikinn.
„Það er alveg ljóst að Hrannar er lykilmaður í sóknarleiknum hjá þeim. Á móti honum verður þú að hafa mann með hraða, sáum það í fyrri leiknum. jafnvel þó að varnarmaðurinn okkar sé fljótur, þá er mikilvægt að lenda ekki langt á eftir honum."
„Staðsetningin hjá Gyrði var ekki tilviljun, en hann leysti þetta frábærlega. Það var margt í þessum leik sem var sett upp þannig að stoppa styrkleika þeirra og herja á veikleikana," sagði Óskar Hrafn.
KR vann 2-1 sigur og komst með honum upp úr fallsæti.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
