Ungur og efnilegur Skagamaður er á reynslu til Esbjerg í Danmörku þessa dagana.
Hann heitir Daníel Michal Grzegorzsson og er fæddur 2009. Hann er nýlega fluttur á Akranes eftir að hafa verið á Austurlandi síðustu ár, þar sem hann æfði með yngri flokkum FHL, KFA og Austurlands.
Daníel er fljótur og teknískur leikmaður sem gekk í raðir ÍA frá KFA í lok síðasta árs. Hann er búinn að vera í Danmörku síðustu daga og kemur aftur heim á miðvikudaginn, áður en hann mætir á æfingu hjá ÍA á fimmtudaginn.
Daníel Michal er með eitt mark í þremur leikjum fyrir U15 landslið Íslands.
Athugasemdir
