Liðið er með fjögurra stiga forystu á granna sína í Real Madrid en Atletico á hins vegar enn tvo leiki til góða. Hlutirnir líta býsna vel út fyrir Diego Simeone og hans menn.

Atletico vann öflugan sigur gegn Sevilla og að sjálfsögðu hélt liðið markinu sínu hreinu eins og svo oft áður. Liðið er nú með 41 stig eftir 16 leiki og er það mesti stigafjöldi sem liðið hefur náð á þessum hluta tímabilsins frá því það varð meistari árið 2014.

Það sem er enn áhugaverðara er að Atletico hefur aðeins fengið á sig tvö mörk úr opnum leik á tímabilinu í deildinni eftir sextán leiki. Magnaður árangur.

Þá er liðið komið áfram í 16-liða úrslit Meistaradeildar Evrópu en það datt hins vegar óvænt út úr keppni gegn neðri deildarliði í bikarnum á dögunum.