Giovanni Leoni í leik með Parma
Ítalski varnarmaðurinn Giovanni Leoni hefur samþykkt að ganga í raðir Englandsmeistara Liverpool en þetta sagði ítalski félagaskiptakóngurinn Fabrizio Romano á Youtube-rás sinni.
Leoni er 18 ára gamall og er talinn með efnilegustu miðvörðum Evrópu.
Hann spilaði 17 deildarleiki með Parma í Seríu A á síðustu leiktíð, sem var hans fyrsta tímabil með liðinu.
Liverpool er í viðræðum við Parma um Leoni og er talið að þær muni ganga hratt fyrir sig. Verðmiðinn er í kringum 30-35 milljónir punda og hefur leikmaðurinn gefið græna ljósið á að fara til Liverpool.
Samvæmt Romano og Paul Joyce hjá Times er Liverpool einnig í viðræðum við Crystal Palace um enska varnarmanninn Marc Guehi, en kaupin á Leoni munu ekki hafa áhrif á þær viðræður. Liverpool vill báða.
Einhverjar sögusagnir hafa verið um að Liverpool ætli sér að lána Leoni aftur til Parma á komandi leiktíð en Romano segir það ekki rétt og að Arne Slot vilji hafa hann í hópnum.
Athugasemdir
