Dybala og Cristiano Ronaldo.
Markmiðið hjá Juventus á þessu tímabili er að vinna Meistaradeildina. Það er ekkert leyndarmál.
Juventus mætir Atletico Madrid í 16-liða úrslitunum, en Paulo Dybala, sóknarmaður Ítalíumeistaranna, var ekkert hoppandi glaður þegar Atletico kom upp úr pottinum.
„Að vinna Meistaradeildina er aðalmarkmið okkar á tímabilinu. Við munum gera allt til að vinna hana," sagði Dybala við Telefoot.
„Atletico Madrid er versta liðið sem við gátum fengið, ásamt Liverpool."
Juventus hefur tvisvar á síðustu fimm árum komist í úrslitaleikinn, en tapað í bæði skiptin; fyrst gegn Barcelona í Berlín og síðan gegn Real Madrid í Cardiff.
Athugasemdir
