Valur tapaði 1-2 á heimvelli sínum gegn Fram í 9. umferð Bestu deild kvenna.
„Já mjög svekkjandi, mér fannst við svo sem spila góðan fyrri hálfleik og í seinni hálfleik fannst mér við bara vera vel undir." Sagði Matthías Guðmundsson annar af þjálfurum Vals inntur eftir fyrstu viðbrögðum eftir leik.
Aðspurður hvað hafi farið úrskeiðis í leiknum svaraði hann: „Kannski of margir tæknilegir feilar, mér fannst við aðeins undir í líkamlega þættinum líka, sérstaklega í seinni hálfleik. Þá svona einhvern veginn fór trúin úr liðinu og mann sá andstæðinginn svona stíga upp um klassa í að trúa virkilega að þær gætu unnið þetta."
Næsti leikur Vals verður gegn FH í Kaplakrikanum næsta laugardag klukkan 14:00
"já já við erum byrjuð að spá í honum en nú er bara að hugsa um næstu æfingu og einn dag í einu og við verðum að þjappa okkur saman, við komumst út úr þessu, það er klárt mál við þurfum bara að trúa því að við getum gert það saman."
Hægt er að horfa á viðtalið í heild í spilaranum hér að ofan
