Elmar Kári komst tvisvar á blað í dag.
„Þetta var ógeðslega gott, við komum inn með það markmið að gera eitthvað eftir að hafa ekkert verið neitt geðveikir í seinustu leikjum. Gott að skora nokkur mörk og vinna, bara fullkomið," segir Elmar Kári Enesson Cogic, leikmaður Aftureldingar, eftir 4-1 sigur gegn ÍA í kvöld.
Lestu um leikinn: Afturelding 4 - 1 ÍA
Afturelding kom til baka eftir að Viktor Jónsson hafði skorað fyrsta mark leiksins eftir rúman stundarfjórðung.
„Við vorum að spila vel og vorum óheppnir að lenda undir. Svo vorum við með yfirhöndina fannst mér og setjum eitt og svo leiðir eitt af öðru og við skorum nokkur í kjölfarið."
Elmar skoraði tvívegis í dag en þetta voru hans fyrstu mörk í sumar.
„Geðveikt, búinn að bíða eftir þessu. Ég kom ekki upp á 10 inn í mótið en er nú búinn að tengja saman lengi sem er geðveikt og farinn að skora. Mikilvægast er samt að vinna."
Þétt dagskrá framundan hjá Aftureldingu sem eiga leik í 8-liða úrslitum Mjólkurbikarsins gegn Fram og svo leikur gegn ÍBV næstu helgi.
Lang skemmtilegast að spila bara og sleppa því að æfa. Afturelding hefur aldrei komist svona langt í bikar. Stuðningurinn í sumar hefur verið trylltur, bara tólfti maðurinn. Ef þetta er svona þá getum við gert góða hluti."
Athugasemdir
