Murielle Tiernan skoraði sigurmark Fram í 1-2 sigri þeirra á Val á N1-vellinum á hlíðarenda. Hún var að vonum kát eftir leikinn, „Allar eru mjög ánægðar, þetta er síðasti leikurinn í fyrrihlutanum og þetta kórónar mjög góða frammistöðu hjá okkur í fyrrihlutanum."
Lestu um leikinn: Valur 1 - 2 Fram
„Við höfum orðið betri og betri og við vorum mjög spenntar að koma hingað aftur, við vissum að þetta væri leikur sem við gætum unnið og ég veit að allar í liðinu er ánægðar."
Murielle skoraði sitt 7. mark í deildinni í sumar og er nú í öðru sæti yfir markahæstu leikmennina ásamt Freyju Karín í liði Þróttar.
„Að koma liðinu hærra er það sem skiptir máli, það er það eina sem ég get sagt, eina sem þú þarft að gera er að setja hann inn þegar þú færð tækifæri fyrir liðið."
Fram á síðasta leik sinn fyrir landsleikjahlé á föstudaginn gegn Þrótti
„Það verður gott að fá pásu til að hvílast, allir eru með smávægileg meiðsli sem við erum að að spila á, þannig einn leikur í viðbót þangað til að við fáum þá endurheimt sem við þurfum.
Hægt er að horfa á viðtalið í heild hér í spilaranum
