„Ég er mjög fúll og svekktur," sagði Gunnar Már Guðmundsson, þjálfari Fjölnis, eftir 3-0 tap gegn HK í Kórnum í kvöld.
Lestu um leikinn: HK 3 - 0 Fjölnir
„Við lendum 2-0 undir, tvær mínútur milli marka. Við slökkvum á okkur, mark sem við þekkjum, farið framhjá bakverði og köttað í teiginn. Ætli það séu ekki svona 3-5 svona mörk sem við höfum fengið á okkur í sumar."
„Ég vildi óska þess að ég hefði skýringar á þessu. Mark tvö er svona týpískt mark sem HK hefur verið að koma með. Þriðja markið kemur í andltiið á okkur því við erum að sækja. Það er erfitt að vera sáttur með nokkurn skapaðan hlut í þeirri stöðu sem við erum í. Þú sérð það á liðinu að sjálfstraustið er ekkert og það er verkefnið okkar að finna trú á því sem við erum að gera," sagði Gunnar Már.
Fjölnir er á botni deildarinnar og hefur enn ekki tekist að vinna leik eftir átta umferðir.
„Það eru þrír leikmenn sem hafa spilað alla leikina í sumar. Brynjar Gauti spilar handleggsbrotinn í þessum leik, Sigurjón markmaður er handleggsbrotinn. Aðrir menn eru búnir að vera frá vegna höfuðhögga og ökklameiðsla. Kannski er það það að menn finna meira til þegar illa gengur," sagði Gunnar Már.
Athugasemdir
