Magnús Már Einarsson
„Frábær liðsheild í dag og við höfðum trú á því sem við vorum að gera. Við lendum undir og svörum því vel. Frábær kvöld hér að Varmá," segir Magnús Már Einarsson, þjálfari Aftureldingar, eftir 4-1 sigur gegn ÍA fyrr í kvöld.
Lestu um leikinn: Afturelding 4 - 1 ÍA
Afturelding kom til baka og gerði vel eftir að Viktor Jónsson hafði komið Skagamönnum í forystu í fyrri hálfleiknum.
Þetta sýnir trúna sem við erum með, við höfum trú á því sem við erum að gera. Eitt klaufalegt mark sem við fáum á okkur í byrjun en fyrir utan það verjumst við vel og jöfnum verðskuldað. Í seinni hálfleik byrjuðu Skagamenn betur en við stóðum það af okkur."
Elmar Kári Enesson Cogic skoraði tvö fyrstu mörk Aftureldingar og sín fyrstu tvö mörk í sumar.
„Hann er búinn að spila vel. Þetta er eins tómatsósan, stundum stendur sósan á sér og sullar svo út. Hann er búinn að spila frábærlega og það var tímaspursmál hvenær markið kæmi."
Framundan er bikarleikur gegn Fram en þetta er í fyrsta sinn sem að Afturelding fer í 8-liða úrslit bikarsins.
„Við þurfum enn meiri stemningu í stúkuna. Stór dagur og það væri geggjað að fara í undanúrslit í fyrsta sinn í sögu félagsins."
Athugasemdir
