„Mér líður helvíti vel. Mér fannst þetta nokkuð góð frammistaða að mörgu leyti. Byrjuðum leikinn ógeðslega vel og þeir ná svo að vinna sig aðeins inn í hann aftur en svona heilt yfir fannst mér við sterkari aðilinn og sýna mjög góða frammistöðu." sagði Guðmundur Kristjánsson fyrirliði Stjörnunnar eftir 3-2 sigurinn á Val í Bestu deild karla.
Lestu um leikinn: Stjarnan 3 - 2 Valur
„Mér finnst þeir ekki vera skapa sér einhver færi, kannski er það vitleysa í mér og hlutdrægur en það var allaveganna svona tilfinningin."
Guðmundur Kristjánsson spilaði í hægri bakverðinum hjá Stjörnunni í dag og var mjög góður og átti góða kafla sérstaklega í fyrri hálfleik.
Leikurinn í kvöld fór fram á skemmtilegum tíma en það er ekki algengt að leikir í Bestu deildinni fari fram á Laugardagskvöldi. Áhorfendur fengu svo sannarlega mikið fyrir peninginn.
„Gerist það eitthvað betra en að mæta í Garðabæinn, stemmingu og á Laugardagskvöldi og svo getur fólk farið beint á djammið með þrjú stig í vasanum eftir á og er það ekki svoleiðis sem við viljum hafa það."
