Fylkir tók á móti Grindavík á Tekk vellinum í áttundu umferð Lengjudeildarinnar.
Fylkismenn hafa ekki byrjað tímabilið vel og héldu vonbrigðin áfram í kvöld.
Lestu um leikinn: Fylkir 1 - 1 Grindavík
„Enn ein vonbrigðin að vinna ekki leik og þá sérstaklega hér á heimavelli. Við erum sjálfum okkur verstir" sagði Árni Freyr Guðnason þjálfari Fylkis svekktur eftir leik.
„Við komum okkur í 20-30 góðar stöður til að búa okkur til færi. Búum til einhver færi og fáum nóg af færum til þess að komast í 2-0 og jafnvel 3-0. Þeir taka aðeins yfir leikinn um miðjan seinni hálfleik og gera vel. Skora eitthvað skítamark eftir horn, beint úr horni"
„Við fáum svo 2-3 dauðafæri síðustu tíu mínúturnar. Viljum meina að boltinn hafi verið inni en þeir dæmdu það ekki og niðurstaðan er jafntefli"
Fylkir hefur átt erfiða byrjun á mótinu og gengið verið langt undir væntingum og mögulega farið að leggjast á menn.
„Já örugglega. Það gerist alltaf þegar að það gengur ekki vel. Þá fara menn kannski að ofhugsa hlutina. Við erum að skipta mikið á liðinu og rótera ekki kannski afþví að við viljum það endilega alltaf heldur eru margir meiddir og þannig er það hjá öllum liðum. Það var einhver sem kvartaði undan heimsmeti í meiðslum en ég held að við séum að bæta það heimsmet"
Árni Freyr hefur miklar áhyggjur af stöðunni en segist þó ekki geta haft áhyggjur af stöðu sinni hjá Fylki.
„Ég get ekki haft áhyggjur af einhverju sem ég hef enga stjórn á. Það er bara stjórnin sem ákveður það. Ég tel mig og teymið vera nægilega gott til þess að snúa þessu við og gera þetta vel en ég er ekkert að ljúga af þér að þetta hefur alveg komið inn í hausin á mér en við þurfum bara að halda áfram"
Nánar er rætt við Árna Freyr Guðnason í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
