Völsungur og Keflavík gerðu jafntefli á Húsavík í dag. Fótbolti.net ræddi við Aðalstein Jóhann Friðriksson, þjálfara Völsungs, eftir leikinn.
Lestu um leikinn: Völsungur 1 - 1 Keflavík
„Fyrst að fyrri hálfleikurinn þróast þannig að við erum að leiða eftir 45 mínútur og fljótlega fá þeir rautt. Að vera 1-0 yfir og manni fleiri þá er ég svekktur að hafa ekki klárað þetta," sagði Alli Jói.
„Ég er svekktur með sjálfan mig að hafa ekki brugðist meira við í þeirri stöðu og breytt því aðeins sem við vorum að gera. Við hefðum átt að vera aðeins rólegri á boltanum og búa til yfirtölur og ég hefði átt að koma þeim skilaboðum betur inn á völlinn."
Alli var stoltur af sínum mönnum.
„Ég er hrikalega ánægður að eftir að hafa komist yfir og orðið manni fleiri, lent í því að fá á sig víti og rautt spjald, Völsungsliðið hafi reynt að vinna leikinn í 94 mínútur," sagði Alli Jói.
Athugasemdir
