Kórdrengir unnu Sindra í rosalegum leik í B-deild Lengjubikarsins fyrr í dag. Leikurinn var á Leiknisvelli.

Kórdrengir, sem ætlar sér stóra hluti í 3. deildinni í sumar, byrjuðu af krafti og voru komnir 3-0 yfir í byrjun seinni hálfleiks. Guðmundur Atli Steinþórsson skoraði úr vítaspyrnu á 48. mínútu. Það var þriðja mark Kórdrengja.

Á 73. mínútu fékk Örvar Þór Sveinsson, sem hafði skorað fyrsta mark leiksins, að líta sitt annað gula spjald og þar með rautt. Við það breyttist leikurinn og náði Sindri að jafna metin í 3-3 á örskömmum tíma.

Það voru hins vegar Kórdrengir sem náðu í stigin þrjú. Daníel Gylfason skoraði sigurmarkið á 84. mínútur og sigur Kórdrengja niðurstaðan í þessum magnaða leik.

Kódrengir eru með sex stig eftir þrjá leiki. Sindri hefur náð í þrjú stig.

Markaskorarar af urslit.net