Mauricio Pochettino, stjóri Tottenham, segist ekki vita hvort danski miðjumaðurinn Christian Eriksen verði áfram hjá félaginu þegar Evrópuglugganum verður lokað.
Pochettino segir að Eriksen hafi æft vel í vikunni og gæti byrjað gegn Manchester City í síðdegisleiknum á morgun.
Pochettino segir að Eriksen hafi æft vel í vikunni og gæti byrjað gegn Manchester City í síðdegisleiknum á morgun.
„Ég veit ekki hvort hann verði hér áfram eftir gluggalok," segir Pochettino.
„Mitt verkefni er að aðstoða alla leikmenn og styðja þá á meðan þeir eru hér. Þar til þeir ákveða kannsi að fara aðra leið á ferlinum."
Eriksen kom inn af bekknum þegar Tottenham var í vandræðum gegn Aston Villa í fyrstu umferð. Innkoma hans var lykillinn að endurkomu Tottenham sem vann 3-1 sigur.
Eriksen hefur ekki farið leynt með það að hann vilji takast á við nýjar áskoranir á ferli sínum og talað hefur verið um að draumur hans sé að spila í La Liga á Spáni. Samningur hans við Tottenham rennur út næsta sumar.
Athugasemdir