Kristall Máni Ingason.
„Mér er skítkalt en það er heitt á toppnum," sagði Kristall Máni Ingason, leikmaður Víkinga, eftir 3-0 sigur á ÍA í úrslitaleik Mjólkurbikarsins í kvöld.
Lestu um leikinn: ÍA 0 - 3 Víkingur R.
Víkingur er tvöfaldur meistari, bæði Íslands- og bikarmeistari. Kristall á stóran þátt í því, hann var algjörlega frábær í sumar.
„Mér líður mjög vel. Tvenna og maður trúir þessu varla," sagði þessi efnilegi leikmaður.
Um leikinn sagði hann: „Við vorum með þetta allan tímann. Þeir eru með fínt lið og fína leikmenn, en við þurftum bara að gera það sem við höfum gert í allt sumar. Þá vissum við að við myndum taka þetta."
Kári Árnason og Sölvi Geir Ottesen eru að leggja skóna á hilluna. Hvernig verður að missa þá?
„Það verður ömurlegt. Þetta eru kóngar en samt leiðinlegustu gæjar sem ég hef kynnst. Þeir eru geggjaðir."
Allt viðtalið er hér að ofan.
Athugasemdir
