Róbert Frosti Þorkelsson.
Róbert Frosti Þorkelsson hefur heillað þjálfara sænska félagsins GAIS í æfingabúðum fyrir komandi keppnistímabil.
Hinn tvítugi Róbert Frosti gekk í raðir GAIS frá Stjörnunni á síðasta ári en hann kom aðeins við sögu í þremur leikjum í sænsku úrvalsdeildinni á síðasta tímabili.
Hinn tvítugi Róbert Frosti gekk í raðir GAIS frá Stjörnunni á síðasta ári en hann kom aðeins við sögu í þremur leikjum í sænsku úrvalsdeildinni á síðasta tímabili.
Núna er GAIS að undirbúa sig fyrir nýtt tímabil og er Róbert Frosti búinn að standa sig vel.
„Frosti hefur tekið frábær skref. Ég verð að minnast á hann," sagði Fredrik Holmberg, þjálfari GAIS.
„Mér finnst hann hafa staðið sig mjög vel á æfingum og í leikjum. Það er meiri ákafi hjá honum og hann er þroskaðri. Hann hreyfir sig betur og lítur út fyrir að vera sterkari."
Sænska úrvalsdeildin hefst í apríl og það er vonandi að Róbert Frosti fái stærra hlutverk þegar deildin byrjar að rúlla á nýjan leik.
Athugasemdir
