Alexandra skoraði mark Fiorentina í tapinu gegn Roma
Landsliðskonan, Alexandra Jóhannsdóttir, skoraði eina mark Fiorentina í 5-1 tapinu gegn Roma í Seríu A á Ítalíu í dag. Þá spilaði Sveindís Jane Jónsdóttir í 5-0 sigri Wolfsburg á Potsdam í þýsku deildinni.
Alexandra gerði eina mark Fiorentina þegar liðið var 4-0 undir. Hún klóraði í bakkann á 51. mínútu eftir sendingu frá Lindu Tucceri Cimini en þetta var þriðja mark hennar í deildinni.
Fiorentina er í 5. og neðsta sæti meistarariðilsins með 34 stig.
Sveindís Jane Jónsdóttir var í byrjunarliði Wolfsburg sem vann Potsdam, 5-0. Hún spilaði allan leikinn fyrir þýska félagið sem er í efsta sæti deildarinnar með 42 stig.
Hildur Antonsdóttir og María Catharina Ólafs. Gros léku allan leikinn fyrir Fortuna Sittard sem tapaði fyrir Twente, 2-1, í 8-liða úrslitum hollenska bikarsins.
Athugasemdir
