Enski vængmaðurinn Ryan Sessegnon gæti spilað sinn fyrsta leik fyrir Tottenham í byrjun nóvember en hann hefur verið að glíma við meiðsli undanfarna mánuði.
Sessegnon, sem er fæddur árið 2000, kom til Tottenham frá Fulham í sumar fyrir 25 milljónir punda en hann var þá fyrsti leikmaðurinn sem er fæddur á þessari öld til að skora í ensku úrvalsdeildinni er hann skoraði fyrir Fulham á síðustu leiktíð.
Hann hefur ekki enn spilað fyrir aðallið Tottenham en meiðsli í nára hafa verið að aftra honum síðustu mánuði.
Sessegnon er þó byrjaður að æfa aftur með aðalliðinu og mun hann spila með U23 ára liðinu á næstu dögum og spilar því fastlega fyrsta leik sinn fyrir aðalliðið í næsta mánuði.
Athugasemdir