Sky Sports greinir frá því að Chelsea sé búið að ná samkomulagi við brasilíska félagið Palmeiras um kaupverð fyrir táninginn efnilega Estevao Willian.
Estevao er 17 ára gamall og mun ekki ganga til liðs við Chelsea fyrr en sumarið 2025, þegar hann verður orðinn 18 ára.
FC Bayern og fleiri stórveldi höfðu áhuga á Estevao, en hann er búinn að velja Chelsea. Enska félagið greiðir 29 milljónir punda fyrir leikmanninn en sú upphæð getur hækkað umtalsvert með árangurstengdum aukagreiðslum.
Estevao er afar hæfileikaríkur kantmaður sem er oft líkt við argentínsku goðsögnina Lionel Messi og er því kallaður gælunafninu 'Messinho'.
Athugasemdir
