Mikið hefur verið rætt og ritað um tillögu um evrópska Ofurdeild í knattspyrnu.
Tólf af stærstu félögum Evrópu komu sér saman um þessa tillögu en hún hefur fengið gríðarlega mikla gagnrýni úr öllum áttum.
Grimsby Town FC, sem er í harðri botnbaráttu í ensku D-deildinni og á því hættu á því að falla niður í utandeildina, er gegn þessari tillögu um Ofurdeild og hefur hrint af stað mögnuðu tilboði.
Tilboðið er gert fyrir stuðningsmenn þeirra sex enskra liða sem vilja vera með í Ofurdeildinni. Þeir geta skipt treyjum sínum út fyrir treyjur frá Grimsby Town. Allar þær treyjur sem Grimsby fær í hendurnar verða gefnar til góðgerðarmála í Afríku.
Athugasemdir