Fótbolti.net

Ólafur Hrannar: Skemmtilegur markmannskapall sem við höfum átt með Frömurum

Venni: Kjánalegt að stefna að einhverju öðru en að fara upp

Amin Cosic: Búinn að vera bíða eftir þessu marki í svona ár

Haraldur Freyr: Höllin er stór og þetta eru öðruvísi aðstæður

Ólafur Kristófer: Betra þegar það er minna að gera hjá mér

Gunnar Heiðar: Fannst við aldrei vera minna liðið

Árni Freyr: Óli varði víti svo við sættum okkur við stigið

„Verðum að taka þetta með okkur á koddann og koma graðir í næsta leik"

Gunnar Már: Sama hvað maður segir er ekki hlustað á mann

Hemmi: Við verðum þar, það er morgunljóst

„Þurfum að hætta því að kveikja ekki á okkur í byrjun"

„Það verða læti í okkur, það er alveg klárt"

Gunnar Heiðar: Verður gaman að fá þá á grasið okkar

Nik: Hún hefði í raun ekki átt að spila neitt en hefur gert frábærlega

Óskar Smári eftir 7-1 tap: Furðulegt en satt þá líður mér bara vel

Bjarni Mark: Ég er bara svona kartafla

Túfa um gagnrýni á Val: Ég skil ekkert í þessari umræðu

Viktor Freyr um markmannsmálin: Þetta kom alveg á óvart

Magnús Már: Vantaði meiri áræðni í teignum og meiri grimmd

Rúnar: Náðum aðeins að hrista upp í þeim og hræða þá

lau 19. apríl 2025 18:09

Sverrir Örn Einarsson

Halli Hróðmars: Mjög svekktur að hafa ekki getað spilað í Grindavík í dag

Haraldur Hróðmarsson

Mynd: Fótbolti.net - Hafliði Breiðfjörð

„Þetta var bara ágætt. Í sjálfu sér fínn undirbúningur fyrir mótið a að fá góðan leik á móti góðu liði. Að sjálfsögðu hefði ég viljað fara í gegnum þetta og vinna leikinn en miðað við hvernig þetta spilaðist þá er þetta sanngjörn niðurstaða.“ Sagði Haraldur Hróðmarsson þjálfari Grindavíkur um leikinn eftir 3-1 tap Grindavíkur gegn Val í 32 liða úrslitum Mjólkurbikarsins fyrr í dag.

Lestu um leikinn: Grindavík 1 - 3 Valur

Valsmenn komust yfir eftir um 20 mínútna leik eftir fast leikatriði áður en Grindvíkingar jöfnuðu rétt fyrir hálfleiksflautið. Síðari hálfleikur var ekki gamall þegar Valsmenn tóku forystu á ný og það aftur úr föstu leikatriði. Mörk sem allir þjálfarar hata að fá á sig eða hvað?

„Fyrra markið var óheppilegt. Við náum skallanum en það er einhver valsari að gaufast þarna á endalínu og fær hann í sig og skorar. En það er náttúrulega rándýrt þegar við erum búnir að eyða mikilli orku og spila góðan varnarleik að fá á okkur tvö mörk eftir föst leikatriði. “

Miklar breytingar eru að verða á liði Grindavíkur milli ára. Bæði hefur fjöldi leikmanna horfið á braut og nýir komnir inn en það eru líka breytingar á leikmannastefnu. Erlendir leikmenn sem áður voru allt upp í 6-8 í liði Grindavíkur heyra sögunni til og byggt er á ungum íslenskum leikmönnum.

„Það var tekin smá stefnubreyting núna hjá okkur. Það hefur ekki gengið vel í Grindavík undanfarin ár þannig að það þurfti kannski aðeins að breyta til. Á sama tíma eru tækifæri, við erum með efnilega leikmenn að koma upp mjög góða unga leikmenn. Ég hef engan sérstakan áhuga á því í Lengjudeildinni að vera með lið fullt af útlendingum.“

„Við erum með fótbolta fyrir fólkið í bænum og Grindvíkingar vilja sjá sína menn spila og þetta er miklu skemmtilegra svona og vonandi getum við náð einhverjum árangri.“

?rindvíkingar stefna á að leika heimaleiki sína Í Grindavík í sumar eftir að hafa verið í Safamýri á síðasta tímabili. Hvernig leggst í Harald að fara með liðið heim á ný?

„Ég get bara ekki beðið ef ég segi alveg eins og er. Ég var mjög svekktur að hafa ekki getað spilað í Grindavík í dag. Það var út af undirlaginu, við erum á grasinu og erum snemma í því næturfrost og vesen. Ég get bara ekki beðið eftir að komast til Grindavíkur og spila á þessum frábæra velli fyrir framan fólkið okkar.“

„Við náðum aldrei að gera Safamýri að alvöru heimavelli í fyrra. Þannig að ég, strákarnir og allir sem að félaginu koma erum gríðarlega spennt að koma heim og spila á okkar velli.“

Sagði Haraldur en allt viðtalið við hann má sjá hér að ofan.