Björgvin Stefánsson
Björgvin Stefánsson, fyrirliði Hauka og markahæsti maður 1.deildar var ekki sáttur við sjálfan sig eða liðið eftir 2-0 tap gegn HK í dag.
Framherjinn brenndi af víti og átti ekki sinn besta dag.
Hann er hins vegar að öllum líkindum á leiðinni í atvinnumennsku eftir tímabilið og tók Fótbolti.net púlsinn á Björgvini.
Framherjinn brenndi af víti og átti ekki sinn besta dag.
Hann er hins vegar að öllum líkindum á leiðinni í atvinnumennsku eftir tímabilið og tók Fótbolti.net púlsinn á Björgvini.
Lestu um leikinn: HK 2 - 0 Haukar
„Við spiluðum ágætlega en náðum ekki að skapa eitt einasta færi í þessum leik, fyrir utan vítið sem ég skeit upp á bak og klúðraði."
Hann var sammála að þetta var ekki hans dagur í dag.
„Ég hef oft spilað betur, þetta var bara einn af þessum dögum. Þetta datt ekki fyrir mig í dag, sama hvað ég reyndi."
Hann er afar spenntur fyrir atvinnumennskunni eins og gefur að skilja.
„Ég fer út og æfi með liði núna, vonandi gengur það vel og að ég þurfi ekki að spila hérna á næsta ári. Ef ég fer ekki út, þá verð ég hérna hjá Haukum á næsta tímabili."
„Ég byrja á einu liði og hitt er ekki alveg staðfest. Vonandi fæ ég að æfa með sem flestum liðum og fæ að velja úr."
Viðtalið í heild sinni má sjá hér að ofan.
