KR vann lífsnauðsynlegan sigur á ÍBV á Meistaravöllum fyrr í dag. Með sigrinum hafa þeir eigin framtíð í höndum sér, en liðið þarf sigur gegn Vestra til að tryggja áframhaldandi veru í Bestu-deildinni á næstu leiktíð. Óskar Hrafn þjálfari KR mætti í viðtal að leik loknum í dag.
„Ég er ánægður með frammistöðuna, ánægður með sigurinn og ánægður með þá staðreynd að við erum komnir með örlögin í okkar hendur. Við þurfum að vinna Vestra og þá erum við búnir að bjarga sætinu. Ég er gríðarlega stoltur af stuðningsmönnunum okkar sem studdu við bakið á okkur í 90. mínútur, það er gríðarlega dýrmætt. Góður sunnudagur í Frostaskjólinu.“
„Mér hefur liðið mjög vel. Ég er svo heppinn að láta ekki stöðutöfluna skilgreina líf mitt, þannig að ég sef vel á nóttunni og vakna glaður. Sem betur fer er margt annað í KR en meistaraflokkur karla, margt til að gleðjast yfir þó að meistaraflokkur karla taki stóran skerf af athyglinni. Þannig að það eru allir dagar í KR góðir.“
KR mætir Vestra í úrslitaleik um sæti í Bestu deildinni á komandi leiktíð um næstu helgi.
„Ég er gríðarlega spenntur fyrir þessum leik. Veðurspáin er eins og best verður á kosið, mínus tvær og logn. Þetta verður bara veisla á Ísafirði eftir sex daga.“
Viðtalið við Óskar má sjá í heild sinni í spilaranum hér að ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 27 | 11 | 6 | 10 | 45 - 49 | -4 | 39 |
| 2. ÍA | 27 | 11 | 1 | 15 | 37 - 50 | -13 | 34 |
| 3. ÍBV | 27 | 9 | 6 | 12 | 34 - 37 | -3 | 33 |
| 4. KR | 27 | 8 | 7 | 12 | 55 - 62 | -7 | 31 |
| 5. Vestri | 27 | 8 | 5 | 14 | 26 - 44 | -18 | 29 |
| 6. Afturelding | 27 | 6 | 9 | 12 | 36 - 46 | -10 | 27 |
