„Einfaldlega ekki nógu góðir í dag, ég held að það sé deginum ljósara. Við gerðum of mörg mistök sem gáfu mörg auðveld mörk og við lentum svolítið í brekku og áttum bara ekki séns á móti KR í dag."

Framarar fengu á sig átta mörk í dag og var Jón Þórir spurður hvort það væri áhyggjuefni.

„Nei nei, það er ekkert áhyggjuefni núna í Febrúar á móti mjög kröftugu og góðu KR liði en auðvitað viltu ekki fá á þig átta mörk alveg sama í hvaða leik þú ert að spila en ég mun ekki missa svefn yfir því."

Jón Þórir er sáttur með undirbúningstímabilið hingað til og segir að liðið sé heilt yfir á góðu róli.

„Heilt yfir nokkuð sáttir. Hópurinn er að koma til og við erum með flesta heila. Áttum fínan leik á móti Þór en fengum smá skell í dag sem er súrt aðsjálfsögðu en heilt yfir held ég að við séum á góðu."

Viðtalið í heild sinni má sjá í sjónvarpinu hér að ofan þar sem Jón Þórir talar meðal annars um Fred Saraiva og Kyle Mclagan en þeir eru báðir væntanlegir til Framara í næstu viku.