Aðalsteinn Jóhann Friðriksson þjálfari Þórs/KA var svekktur eftir tap á heimavelli gegn Íslandsmeisturum Breiðabliks í Bestu deildinni í kvöld.
Lestu um leikinn: Þór/KA 1 - 3 Breiðablik
Blikar skoruðu þrjú mörk á 15 mínútna kafla til að innsigla sigurinn í síðari hálfleik. Lokatölur 1-3 og er Breiðablik með fullt hús stiga eftir fimm umferðir á meðan Þór/KA situr eftir með svo lítið sem tvö stig.
„Mér fannst við byrja vel og svo jafnaðist leikurinn svoldið út. Bæði lið fengu góð færi í fyrri hálfleik til að komast yfir og undir lok hálfleiksins þurftum við að þjást svolítið en við stóðum það af okkur. Við byrjuðum seinni hálfleikinn af krafti en eftir að þær skora brotnum við of auðveldlega og því fór sem fór," sagði Alli Jói eftir lokaflautið.
„Breiðablik er frábært lið með hraða og beinskeytta leikmenn sem eru sífellt að ógna bakvið varnarlínuna. Við gerðum vel að verjast þeim í fyrri hálfleik en eftir fyrsta markið brotnuðum við aðeins og þær gengu á lagið. Við skulum ekki gleyma því að Breiðablik eru Íslandsmeistarar og þær eru mjög góðar."
Þór/KA heimsækir Fram í botnslag deildarinnar næsta mánudag og tekur svo á móti Víkingi R. í lok mánaðar í síðasta leik fyrir landsleikjahlé.
20.05.2026 23:39
Ian Jeffs: Fannst þetta ekki jafn fyrri hálfleikur
