Franski sóknarmaðurinn Olivier Giroud er nú elsti markaskorari í sögu landsliðsins eftir að hann skoraði í 2-0 sigri á Austurríki í Þjóðadeildinni í kvöld.
Giroud skoraði mark sitt í síðari hálfleiknum með glæsilegum skalla eftir fyrirgjöf frá Antoine Griezmann.
Hann er nú tveimur mörkum frá því að jafna met Thierry Henry fyrir franska landsliðið.
Giroud er þá elsti markaskorari í sögu franska landsliðsins eða 35 ára og 357 daga gamall. Roger Marche átti metið en hann var 35 ára og 287 daga gamall þegar hann skoraði á móti Spánverjum árið 1959.
Kylian Mbappe gerði fyrra mark Frakklands í leiknum en það var 28. mark hans fyrir Frakka. Hann er aðeins 23 ára gamall og kom sér á topp tíu listann yfir markahæstu leikmenn landsliðsins frá upphafi.
35y & 357d - Thanks to his goal against Austria, Olivier Giroud becomes tonight, at 35 years and 357 days, the oldest French team goalscorer, overtaking Roger Marche (35 years and 287 days in December 1959 against Spain). Soldier. #FRAAUT pic.twitter.com/EayAAVuoLj
— OptaJean (@OptaJean) September 22, 2022
Athugasemdir