Almarr, Guðmundur Steinn og Rodrigo ekki með KA í lokin

Guðmundur Steinn er að flytja ásamt fjölskyldu sinni til Þýskalands. Þessi 31 árs gamli framherji bjó í nokkra mánuði í Þýskalandi í byrjun árs áður en hann samdi við KA þar sem hann skoraði sex mörk í sautján leikjum í Pepsi Max-deildinni í sumar.

Miðjumennirnir Almarr og Rodrigo eru báðir meiddir og verða
frá út tímabilið. Báðir hafa þeir verið fastamenn í liði KA í sumar.

„Almarr og Rodri eru báðir handleggsbrotnir og verða frá í einhverjar vikur í viðbót. Rodri brotnaði á móti Gróttu og Almarr svo núna um daginn á æfingu," sagði Sævar.

KA er í 7. sæti Pepsi Max-deildarinnar en liðið hefur ekki tapað í níu leikjum í röð. Jafnteflin hafa hins vegar verið mörg hjá liðinu.

Leikirnir sem KA á eftir
8. nóv KA - FH
22. nóv KR - KA
26. nóv KA - Valur
30. nóv HK - KA