„Ég veit ekki hvort Ólafur Kristjánsson hafi áður á sínum þjálfaraferli beðist afsökunar á frammistöðu síns liðs. Hann gerði það í viðtali við Vísi eftir þennan leik. Af mörgum slökum frammistöðum undanfarin tvö ár var þetta hugsanlega sú allra versta hjá FH. Þeir voru aldrei líklegir til að skora mark gegn nýliðum HK," segir Tómas Þór Þórðarson.

„FH gat ekki neitt og það skipti engu máli hvar þú horfir á liðið. Miðverðirnir voru daprir, bakverðirnir gátu ekki neitt. Cedric D'Ulivo spilaði líklega sinn versta leik á ferlinum. Framlínan gerði ekkert og svo er það náttúrulega Björn Daníel Sverrisson sem lítið hefur gert á tímabilinu."

„Í síðustu fjórum leikum; gegn Grindavík, ÍBV, Víkingi og HK sem eru enn í fallbaráttu, hefur FH skorað eitt mark úr opnum leik. Þetta er sláandi," segir Tómas.

„Björn Daníel á að vera einn besti leikmaður deildarinnar en virkar alls ekki í sínu besta standi. Er hann ekki bara mestu vonbrigðin í sumar ef við tökum einn einstakan leikmann?" spyr Elvar Geir en Björn Daníel kom heim úr atvinnumennskunni fyrir tímabilið.

„Jú af því að standardinn sem hann setur er svo hár. Hann er búinn að vera svo langt frá honum," segir Magnús Már.

„Ég finn til með Óla Kristjáns. Ég efast ekki um að hann sé góður þjálfari en líkamstjáning leikmanna inni á vellinum gerði ekkert fyrir mig. Leikmenn voru ógeðslega pirraðir og fórnuðu höndum," segir Gunnar Birgisson.

Í þættinum var meðal annars rætt um póst frá formanni FH þar sem hann viðurkennir að launagreiðslur til leikmanna hafi dregist.

Allir mættir í Innkastið í kvöld. @tomthordarson kastar fram umdeildum lista, @maggimar rekur og @grjotze giskar! #fotboltinet https://t.co/radT3KnXyd

— Elvar Geir Magnússon (@elvargeir) July 22, 2019