Lestu um leikinn: ÍBV 2 -  1 Stjarnan

Þessi ákvörðun kom mörgum á óvart en hvers vegna ákveður Gunni að leggja skóna á hilluna ?

„Þetta er búið vera fram og til baka á þessu tímabili en það er fínt að hætta bara núna, hætta sem goðsögn hjá klúbbnum og allir muna eftir góða tímanum."

„Ég fékk þá spurningu í morgun af hverju ég væri að hætta. Ég sagði að ég væri slæmur í bakinu þar sem ég væri búin að halda þessu liði á bakinu allan tímann," sagði Gunnar léttur. „En þetta er búið að vera frábær tími og á þeim tímapunkti þegar ég kem heim úr atvinnumennsku og koma heim í ÍBV aftur þá voru menn sem hlógu að þessu en ég er bara það mikill Eyjamaður að ég vildi ná í bikar með uppeldisfélaginu."

Ferillinn hjá Gunnari hefur verið frábær og henti hann í skemmtilega sögu frá ferlinum.

„Ég get sagt þér það að ég var að vinna í saltfiski hérna 2004, ári eftir er ég markahæstur í Svíþjóð og árið 2006 skora ég á móti Real Madrid og við vinnum þá 3-1 fyrir framan 45 þúsund manns. Ef ég hefði verið í saltfisknum þarna, einu og hálfu ári áður og dreymt þetta hefði enginn trúað þessu. En það er extra sætt að fá bikarmeistaratitiill með uppeldisfélaginu. Ég vil þakka öllum fyrir tímann minn hérna."

Hvað tekur samt við hjá Gunnari núna þegar fótboltaferillinn er á enda?

„Það er Bahamas," Sagði hann léttur að lokum ásamt því að plugga nýja fyrirtækinu sínu.

Viðtalið má sjá í heild sinni í spilaranum hér að ofan.