Roberto Mancini landsliðsþjálfari Ítalíu hefur valið Mario Balotelli leikmann Adana Demispor í hópinn fyrir komandi verkefni. Þetta er i fyrsta sinn sem hann er í hópnum í þrjú ár.
Balotelli er liðsfélagi Birkis Bjarnasonar í tyrkneska liðinu en hann hefur skorað 9 mörk í 21 leik á leiktíðinni. Hann var síðast í landsliðinu árið 2018 þegar hann skoraði eitt mark í 2-1 sigri á Sádi-Arabíu í æfingaleik.
Þá voru einnig liðin fjögur ár frá því hann var síðast í hópnum.
Ítalska landsliðið kemur saman dagana 26-29 janúar eingöngu til að æfa. Markvörðurinn Marco Carnesecchi, varnarmennirnir Luiz Felipe og Giorgio Scalvini, miðjumennirnir Nicolo Fagioli, Davide Frattesi og Samuele Ricci og framherjinn Joao Pedro eru allir í landsliðshópnum í fyrsta sinn.
Hópinn í heild sinni má sjá hér að neðan.
📋 #Mancini had called up 35 #Azzurri for the training camp taking place from 26 to 28 January in #Coverciano
— Italy ⭐️⭐️⭐️⭐️ (@Azzurri_En) January 24, 2022
Balotelli returns alongside seven new names 🇮🇹
More info: https://t.co/57EuhquHCq#VivoAzzurro pic.twitter.com/qzuaSybVBf
Athugasemdir