Cecilía Rán Rúnarsdóttir lék sína fyrstu leiki með Aftureldingu/Fram sumarið 2017 í 2. deildinni. Hún lék þrettán leiki með liðinu sumarið 2018 í Inkasso og fyrir síðustu leiktíð gekk hún í raðir Fylkis og lék þar fimmtán af átján leikjum liðsins í efstu deild.
Cessa vakti athygli þegar hún átti frábæran leik gegn Breiðabliki í bikarnum er Fylkir sló út ríkjandi bikarmeistara. Hún var valin maður leiksins og hélt hreinu. Hún var í tvígang valin í lið umferðarinnar síðasta sumar og var síðasta haust valin í fyrsta sinn í A-landsliðshópinn. Í mars lék hún svo sinn fyrsta leik þegar hún lék gegn Norður-Írlandi á Pinatar Cup.
Sjá einnig:
Cecilía yngsti markvörðurinn - „Er mjög þakklát"
Cessa vakti athygli þegar hún átti frábæran leik gegn Breiðabliki í bikarnum er Fylkir sló út ríkjandi bikarmeistara. Hún var valin maður leiksins og hélt hreinu. Hún var í tvígang valin í lið umferðarinnar síðasta sumar og var síðasta haust valin í fyrsta sinn í A-landsliðshópinn. Í mars lék hún svo sinn fyrsta leik þegar hún lék gegn Norður-Írlandi á Pinatar Cup.
Sjá einnig:
Cecilía yngsti markvörðurinn - „Er mjög þakklát"
Fullt nafn: Cecilía Rán Rúnarsdóttir
Gælunafn: Cessa og Ceci er vinsælt
Aldur: 16 að verða 17
Hjúskaparstaða: lausu
Hvenær lékstu þinn fyrsta leik með meistaraflokki: Kom inná í fyrsta leiknum mínum í maí 2017 þá 13 að verða 14 ára.
Uppáhalds drykkur: Eins leiðinlegt og það hljómar þá er það held ég bara vatn.
Uppáhalds matsölustaður: Serrano
Hvernig bíl áttu: Fæ bílpróf í sumar þannig engan í augnablikinu
Uppáhalds sjónvarpsþáttur: Friends
Uppáhalds tónlistarmaður: Jón Jónsson
Fyndnasti Íslendingurinn: Tinna bk og Steindi jr.
Hvað viltu í bragðarefinn þinn: hockey pulver, karmelludýfu og jarðaber.
Hvernig hljómar síðasta sms sem þú fékkst: ”Skoðið vel tilkynninguna á Innu um prófið á morgun” -Verzlunarskóli Íslands
Hvaða liði myndir þú aldrei spila með: Vil halda öllum möguleikum opnum.
Besti leikmaður sem þú hefur mætt: Cloé Lacasse
Besti þjálfarinn sem hefur þjálfað þig: Þorsteinn Magnússon og Kjartan
Mest óþolandi leikmaður sem þú hefur mætt: Magdalena í Selfoss, jesús.
Sætasti sigurinn: Ætli það sé ekki bara 1-0 sigur í fyrsta landsliðsleiknum mínum.
Mestu vonbrigðin: Að hafa ekki komist í bikarúrslit síðasta sumar
Uppáhalds lið í enska: Manchester United
Ef þú fengir að velja einn leikmann úr öðru íslensku liði í þitt lið: Væri ekkert á móti því að fá Áslaugu Mundu
Efnilegasti knattspyrnumaður/kona landsins: Karólína Lea
Fallegasti knattspyrnumaðurinn á Íslandi: Þarf lengri tíma til að hugsa þessa.
Fallegasta knattspyrnukonan á Íslandi: Elín Metta
Besti knattspyrnumaðurinn frá upphafi: Cristiano Ronaldo
Hver er mesti höstlerinn í liðinu: Gef Stebbu þennan titil
Uppáhalds staður á Íslandi: Fylkisvöllurinn
Segðu okkur frá skemmtilegu atviki sem gerst hefur í leik: Spilaði á síðasta ári æfingaleik með Fylki 2. fl þegar ég kom inná sem framherji. Við vorum að tapa en ég var ekki alveg viss hver staðan var, við skoruðum 2 eða 3 mörk og eftir leikinn fagnaði ég því ég hélt að við hefðum náð að jafna leikinn á lokamínútunum, fékk að vita það í klefanum eftir leikinn að hann hefði tapast 4-3.
Hvað er það síðasta sem þú gerir áður en þú ferð að sofa: Skoða símann minn
Fyrir utan knattspyrnu, fylgist þú með öðrum íþróttum: Já fylgist eitthvað með handbolta og körfubolta
Í hvernig fótboltaskóm spilar þú: Nike Mercurial
Í hverju varstu/ertu lélegastur í skóla: Er ekkert sérstök í dönsku
Vandræðalegasta augnablik: Þegar ég fékk einu sinni rautt spjald eftir að leikurinn var búinn, frekar vandræðarlegt svona eftir á.
Hvaða þrjá leikmenn tækir þú með þér á eyðieyju: Bryndísi, Ollu og Ídu, síðan þyrfti ég helst að taka Rögnu líka til þess að halda okkur í formi.
Sturluð staðreynd um sjálfan þig: Lærði að juggla í fyrradag, leiðist rosalega mikið.
Hvaða samherji hefur komið þér mest á óvart eftir að þú kynntist honum og af hverju: Það hefur enginn sérstakur komið mér eitthvað á óvart þegar ég kynntist honum þó svo að sumir eru flippaðari en maður átti von á.
Hverju laugstu síðast: Að ég myndi borga Bryndísi 2000 kall fyrir að hitta í slána.
Hvað er leiðinlegast að gera á æfingum: Upphitun
Nú er tími Covid-19 hvernig er “venjulegur” dagur: Ég vakna í kringum 8, læri svo til hádegis og fer þá á æfingu, síðan fer ég heim og fæ mér að borða, chilla og læri smá og tek svo oftast aðra æfingu seinni partinn og síðan skrolla ég bara í gegnum tik tok restina af deginum.
Þú getur keypt Cecilíu í Draumaliðsdeild 50skills - Smelltu hér til að taka þátt í leiknum!
Athugasemdir