Bayern München gæti gert óvænt tilboð í Rashford - Liverpool hafnaði fyrirspurn Bayern um Díaz og ætlar ekki að selja hann
   fös 24. september 2021 12:00
Sæbjörn Þór Þórbergsson Steinke
Ágúst Þór spáir í lokaumferð Pepsi Max
Ágúst Þór í leik með Fjölni fyrir nokkrum árum.
Ágúst Þór í leik með Fjölni fyrir nokkrum árum.
Mynd: Fótbolti.net - Hafliði Breiðfjörð
Kristall Máni mun skora markið sem ræður úrslitum.
Kristall Máni mun skora markið sem ræður úrslitum.
Mynd: Fótbolti.net - Hafliði Breiðfjörð
Lokaumferðin í Pepsi Max-deild karla fer fram á morgun, allir leikirnir hefjast klukkan 14:00. Mikil spenna er hvaða lið verður Íslandsmeistari og svo geta þrjú lið fylgt Fylki niður í næst efstu deild.

Ágúst Þór Ágústsson, Grassi, Framtíðin, þið ráðið hvað þið kallið hann, er spámaðurinn fyrir þessa umferð.

Jón Þór Hauksson var spámaður í síðustu umferð og var með tvo leiki rétta. Svona spáir Ágúst leikjunum í lokaumferðini.

Sjá einnig:
Lokaumferðin verður í beinni á X977

Víkingur 2 - 1 Leiknir
Þægilegur 2-1 sigur núverandi bikarmeistara og verðandi Íslands- og bikarmeistara. Kristall Máni setur winner undir lokin og gerir Bjössa Bjartmarz stoltan.

Stjarnan 1 - 2 KR
KR ingar halda í Evrópuvonina og klára þennan leik sennilega 1-2. Halldór Orri kveður með marki og sendir Stjörnumenn glaða heim.

Breiðablik 3 - 1 HK
Blikar verða lengi í gang en sigla svo nokkuð þægilegum 3-1 sigri heim. Árni Vill setur 2 og Gummi Júl skrúfar upp hitann i restina, potar einu og þakkar traustið.

KA 2 - 1 FH
2-1 Heimasigur i hörkuleik. Elfar Árni setur sigurmarkið og einn af ungu strákunum hjá FH skorar. Davíð Viðars segir okkur eftir leik hvað hann heitir, hvenær hann er fæddur og hvar hann á heima.

Fylkir 1 - 3 Valur
Valsmenn gulltryggja 5. sætið með 1-3 sigri í Árbænum. Fylkismenn verða nokkuð sáttir með framlagið en ekki úrslitin. Kiddi Sig minnir á sig og skorar 1 og leggur upp annað.

Keflavik 2 - 2 ÍA
Skagamenn halda áfram að dreyma þar til um miðjan síðari hálfleik þegar Joey Gibbs jafnar 2-2 sem verða lokatölur leiksins. Jói Kalli lætur aðeins í sér heyra i restina en sleppur með áminningu frá ágætum dómara leiksins.
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner