Baldur Sigurðsson var á dögunum ráðinn spilandi aðstoðarþjálfari Fjölnis og í dag samdi félagið við tvö öfluga leikmenn.
„Aðdragandinn var kannski lengri en bara núna eftir tímabil. Fjölnir nálgaðist mig í sumar, í glugganum í ágúst og báru það upp að koma í Fjölni og hjálpa þeim í baráttunni sem þeir voru í þá. Á þeim tímapunkti var ég ekki alveg tilbúinn að yfirgefa FH, en það kitlaði mjög mikið þá," sagði Baldur.
„Um leið og búið var að blása mótið af, þá höfðu þeir samband aftur og það tók ekki voðalega langan tíma að klára þetta. Ég er mjög spenntur fyrir þessu."
Það er greinilega stefnan í Grafarvogi að fara beint upp úr Lengjudeildinni eftir að hafa fallið úr Pepsi Max-deildinni á síðustu leiktíð.
„Við sjáum það í dag að það verið að semja við tvo mjög spennandi leikmenn og virkilega góða leikmenn. Það er kraftur og mjög spennandi tímabil framundan þar sem við stefnum á að fara aftur upp. Fjölnir er þannig félag að það kemur ekkert annað til greina."
Baldur og Ásmundur Arnarsson, þjálfari Fjölnis, þekkjast frá fyrri tíð. „Við vorum saman í Völsungi í þessari deild fyrir einhverjum 16 árum síðan, þegar hann var þjálfari Völsungs og ég leikmaður. Við þekkjumst aðeins, höfum kannski sama bakgrunn að norðan og ég er mjög spenntur fyrir þessu samstarfi."
Í spilaranum að ofan má horfa á viðtalið í heild sinni.
Ásmundur Arnarsson.
