Fámennt en góðmennt.
Það verður fámennt en góðmennt meðal íslenskra stuðningsmanna á Stade de France í kvöld.
Fjölmiðlar fengu þær upplýsingar að opinberlega verða aðeins 75 íslenskir stuðningsmenn á leiknum. Það má þó gera ráð fyrir því að þeir verði á endanum eitthvað fleiri.
Fjölmiðlar fengu þær upplýsingar að opinberlega verða aðeins 75 íslenskir stuðningsmenn á leiknum. Það má þó gera ráð fyrir því að þeir verði á endanum eitthvað fleiri.
Stade de France tekur 80 þúsund áhorfendur en ekki er uppselt á leikinn. Búast má við 65-70 þúsund manns í kvöld.
Ástæðan fyrir því að ekki er uppselt er sú að leikurinn verður frekar seint að staðartíma, 20:45 á mánudagskvöldi, og stuðlar það að því að færra fólk með börn mæti á leikinn.
Það má þó búast við góðu stuði á leiknum en franska knattspyrnusambandið fagnar 100 ára afmæli sínu um þessar mundir.
Leikurinn verðru 19:45 í kvöld að íslenskum tíma og verður að sjálfsögðu í beinni textalýsingu hér á Fótbolta.net.
Athugasemdir
