Helgi Mikael Jónasson dæmir leik Lincoln Red Imps og FC Kaupmannahafnar í Sambandsdeildinni í kvöld. Honum til aðstoðar verða þeir Gylfi Már Sigurðsson og Þórður Arnar Árnason. Fjórði dómari verður Vilhjálmur Alvar Þórarinsson.
Í byrjunarliði er Ísak Bergmann Jóhannesson en hann fór ekki fögrum orðum um Helga eftir leik Víkings og ÍA í sumar. Helgi Mikael dæmdi vítaspyrnu í uppbótartíma og skoraði Nikolaj Hansen úr vítinu fyrir Víking. Ísak er uppalinn Skagamaður og sonur Jóhannesar Karls Guðjónssonar, þjálfara ÍA.
Í byrjunarliði er Ísak Bergmann Jóhannesson en hann fór ekki fögrum orðum um Helga eftir leik Víkings og ÍA í sumar. Helgi Mikael dæmdi vítaspyrnu í uppbótartíma og skoraði Nikolaj Hansen úr vítinu fyrir Víking. Ísak er uppalinn Skagamaður og sonur Jóhannesar Karls Guðjónssonar, þjálfara ÍA.
Sjá einnig:
Ísak Bergmann pirraður út í Helga Mikael - „Til hamingju núna fáið þið athygli"
„Trúðalestin enn og aftur. Hvenær á þessi gæi að hætta að dæma í efstu deild?" spurði Ísak í Instagram færslu og hélt áfram.
„Hann elskar athyglina. Það eru ekki allir mættir að horfa á þig Helgi Mikael. Þið eruð flottir. Rosa flottir. Til hamingju núna fáið þið athygli. Það sem þið vilduð," skrifaði Ísak.
Leikurinn hefst klukkan 17:45 og er í beinni útsendingu á Stöð 2 Sport. FCK tryggir sér sæti í útsláttarkeppni Sambandsdeildarinnar með sigri. Ásamt Ísaki er Hákon Arnar Haraldsson í byrjunarliði ÍA.
https://t.co/O2Q96G8ce0
— Gunnar Jarl Jónsson (@gunnar_jarl) November 25, 2021
Helgi Mikael og Ísak komnir langt jafnt á ferlinum :) Mætast á Gíbraltar eftir 45 mínútur á Stöð 2 Sport.
Áhugaverð rimma framundan.
Feykilega stórt afrek hjá Helga Mikael að fá leik í Sambandsdeildinni, 28 ára gamall.
Athugasemdir