Fótbolti.net

þri 26. janúar 2021 11:00

Magnús Már Einarsson

Tómas Þór spáir í leiki vikunnar á Englandi

Tómas Þór Þórðarson

Mynd: Fótbolti.net - Eyjólfur Garðarsson

Auðunn Blöndal var með sex rétta þegar hann spáði í leiki þarsíðustu helgi í ensku úrvalsdeildinni.

Heil umferð fer fram í ensku úrvalsdeildinni í vikunni en leikið er í kvöld, á morgun og fimmtudag. Tómas Þór Þórðarson, ritstjóri enska boltans hjá Símanum, spáir í leikina að þessu sinni.

Crystal Palace 0 - 2 West Ham (18:00 í kvöld)
Moyes, eða Gaffer eins og Bjarni Þór vinur minn kallaði hann, er búinn að smíða einhverja ólseigustu vél sem sögur fara af þarna í Austur-Lundúnum. Soucek og Antonio skora.

Newcastle 1 - 1 Leeds (18:00 í kvöld)
Bruce gerir ekki aftur þau mistök að sækja á Leeds og Bielsa-boys eru ekki alveg nógu góðir gegn liðum sem liggja.

Southampton 0 - 1 Arsenal (20:15 í kvöld)
Nýr dagur. Sama skor. Hitt liðið vinnur.

WBA 0 - 6 Manchester City (20:15 í kvöld)
Það er hægt og bítandi að kvikna allsvakalega á þessu City-liði. Þetta verður afskaplega auðveld gönguferð í garðinum.

Chelsea 2 - 2 Wolves (18:00 á morgun)
Hvað skal segja eftir brottrekstur Franks? Úlfarnir unnu í sama leik fyrir ekki margt löngu. Held að þetta verði opið en jafntefli.

Burnley 1 - 0 Aston Villa (18:00 á morgun)
Villa mun sækja og sækja en Páfinn verður með allt í lás og svo skora heimamenn eftir fast leikatriði. Dyche-masterclass.

Brighton 2- 2 Fulham (19:30 á morgun)
Held að þetta verði óvænt alveg merkilega góður leikur eftir leiðindin sem liðin buðu upp á síðast.

Manchester United 2 - 0 Sheffield United (20:15 á morgun)
Ef United býður ekki upp á mark á silfurfati eins og í síðustu viðureign liðanna get ég ekki með nokkru móti séð að stálstrákarnir eigi heima á sama velli og United-menn þessa dagana. Verður samt erfið fæðing enda mikið álag verið á liðunum.

Everton 1 - 1 Leicester (20:15 á morgun)
Þá hefst lífið án Vardy næstu vikurnar hjá Leicester akkurat þegar að maður var að fara að gæla við óvæntan Englandsmeistaratitil. Allavega baráttu um hann. Ancelotti getur lokað á flest annað þegar að ógnin af Vardy er ekki þarna en Maddison eða Barnes skora fyrir gestina.

Tottenham 1 - 2 Liverpool (20:00 á fimmtudag)
Það er alveg ástæða fyrir Klopp að óttast skyndisóknir Spurs með allan varnarherinn frá vegna meiðsla en það var einhver neisti í Liverpool um helgina fram á við sem mér líkaði. Svo hefur Mourinho takmarkaðan áhuga á að sækja og vera með boltann í þessum stórleikjum. Sé það ekki ganga á fimmtudaginn en það væri ekki í fyrsta sinn sem Mourinho myndi koma manni á óvart.

Fyrri spámenn
Haukur Harðarson - 7 réttir
Siggi Bond - 7 réttir
Auðunn Blöndal - 6 réttir (Einn frestaður)
Bjarni Þór Viðarsson - 6 réttir
Björn Bragi Arnarsson - 6 réttir
Sóli Hólm - 6 réttir
Gummi Ben - 5 réttir
Logi Bergmann Eiðsson - 5 réttir
Sara Björk Gunnarsdóttir - 5 réttir
Sölvi Tryggvason - 5 réttir
Elísa Viðarsdóttir - 4 réttir
Þorlákur Árnason - 4 réttir
Gunnar Birgisson - 4 réttir
Bára Kristbjörg Rúnarsdóttir - 3 réttir (tveir frestaðir)
Birkir Már Sævarsson - 3 réttir
Herra Hnetusmjör - 3 réttir
Ingibjörg Sigurðardóttir - 3 réttir
Steindi Jr. - 3 réttir

		L	U	J	T	ms:	mf:	mun	Stig
1	Arsenal	36	24	7	5	68	26	+42	79
2	Man City	35	22	8	5	72	32	+40	74
3	Man Utd	36	18	11	7	63	48	+15	65
4	Liverpool	36	17	8	11	60	48	+12	59
5	Aston Villa	36	17	8	11	50	46	+4	59
6	Bournemouth	36	13	16	7	56	52	+4	55
7	Brighton	36	14	11	11	52	42	+10	53
8	Brentford	36	14	9	13	52	49	+3	51
9	Chelsea	36	13	10	13	55	49	+6	49
10	Everton	36	13	10	13	46	46	0	49
11	Fulham	36	14	6	16	44	50	-6	48
12	Sunderland	36	12	12	12	37	46	-9	48
13	Newcastle	36	13	7	16	50	52	-2	46
14	Crystal Palace	35	11	11	13	38	44	-6	44
15	Nott. Forest	36	11	10	15	45	47	-2	43
16	Leeds	35	10	13	12	47	52	-5	43
17	Tottenham	35	9	10	16	45	54	-9	37
18	West Ham	36	9	9	18	42	62	-20	36
19	Burnley	36	4	9	23	37	73	-36	21
20	Wolves	36	3	9	24	25	66	-41	18