Siggi Bond spáir í leiki helgarinnar á Englandi

Everton 1 - 2 West Ham (17:30 í dag)
Á einhvern ótrúlegan hátt vinnur West Ham hérna geggjaðan útisigur. Soucekinn hleður í eitt skallamark og svo setur Bowen eitt í fjær á síðustu 20. Doucure setur hann fyrir the Toffees og Toni Leifs hamrar fartölvunni sinni í vegginn beint eftir leik.

Man Utd 7 - 2 Aston Villa (20:00 í kvöld)
Martial, Rashford, Greenwood og Bruno skora allir í ótrúlegum leik þar sem að Bruno leggur upp að minnsta kosti fjögur mörk. Solskjær er að leyfa okkur að dreyma; OLE’S AT THE WHEEL!!

Tottenham 3 - 1 Leeds (12:30 á morgun)
Kane sér bara um þennan leik, kæmi mér lítið á óvart ef hann myndi hlaða í þrennu og jafnvel að það væri fullkominn þrenna hjá kóngnum. Hjammi tryllist í Rivertown og sprengir flugelda langt fram eftir kvöldi sem hann var búinn að lofa að sprengja ekki upp fyrr en á þrettándanum!

Crystal Palace 1 - 2 Sheffield United (15:00 á morgun)
Sheffield United nær í sinn fyrsta sigur og ég ætla ekki að segja orð meira um þennan leik.

Brighton 1 - 1 Wolves (17:30 á morgun)
Brighton pakkar saman XG leiknum en ná því miður bara inn einu stigi. Trossard setur hann fyrir Brighton en Fabio Silva einhvern veginn setur hann fyrir Úlfana!

West Brom 0 - 3 Arsenal (20:00 á morgun)
#YaGunnersYa, Emile Smith Rowe og Saka klára þetta fyrir #YaGunnersYa. Danni Nicholl og Jóhann Schröder tapa sér gjörsamlega í gleðinni og panta ferð til Tene beint eftir leik! Stóri Sam gæti verið kominn í vesen eftir þetta tap.

Burnley 2 - 1 Fulham (12:00 á sunnudag)
Chris Wood, eða Ármann Smári enska boltans, setur bæði mörkin. funheitur Jói Berg kemur inn á 76. mínutu og leggur upp winnerinn.

Newcastle 2 - 3 Leicester (14:15 á sunnudag)
Callum Wilson og Joelinton koma Newcastle í 2-0 á fyrstu 20 mínutunum en Leicester kemur til baka með mörkum frá geitinni Jonny Evans, Vardy og Barnes. Siggi Sörens kveikir í Newcastle treyju og vill fá Bruce út.

Chelsea 1 - 4 Man City (16:30 á sunnudag)
De Bruyne skellihlær að Kante og pakkar Chelsea saman. Það verður gaman að heyra í okkar veikasta Chelsea manni eftir leik, Bödda Löpp. Hann var með plakat af Makelele upp á vegg í tíu ár í Fögrukinninni. Þvílíka steypan!

Southampton 2 - 2 Liverpool (20:00 á mánudag)
Ings með tvennu og skellihlær að Nathaniel Phillips, en Fabinho bjargar stigi með ótrúlegu marki undir lokin. Rósi Magg tryllist á Egilsstöðum og Atli Viðar Björnsson gjörsamlega missir sig á Twitter.

Fyrri spámenn
Haukur Harðarson - 7 réttir
Bjarni Þór Viðarsson - 6 réttir
Björn Bragi Arnarsson - 6 réttir
Sóli Hólm - 6 réttir
Gummi Ben - 5 réttir
Logi Bergmann Eiðsson - 5 réttir
Sara Björk Gunnarsdóttir - 5 réttir
Sölvi Tryggvason - 5 réttir
Elísa Viðarsdóttir - 4 réttir
Þorlákur Árnason - 4 réttir
Gunnar Birgisson - 4 réttir
Bára Kristbjörg Rúnarsdóttir - 3 réttir (tveir frestaðir)
Birkir Már Sævarsson - 3 réttir
Herra Hnetusmjör - 3 réttir
Ingibjörg Sigurðardóttir - 3 réttir
Steindi Jr. - 3 réttir