Hafdís Bára Höskuldsdóttir (2002) hefur samið við Víking um að spila með liðinu í Lengjudeildinni á komandi tímabili.
Úr tilkynningu Víkings:
Hafdís Bára sleit fyrstu fótboltaskónum vestur á Ísafirði og spilaði sína fyrstu leiki með BÍ/Bolungarvík og síðar með Vestra. Hún spilaði bæði með kvenna- og karlaliðum félagsins og þá lengst af eina stúlkan á meðal strákanna.
Úr tilkynningu Víkings:
Hafdís Bára sleit fyrstu fótboltaskónum vestur á Ísafirði og spilaði sína fyrstu leiki með BÍ/Bolungarvík og síðar með Vestra. Hún spilaði bæði með kvenna- og karlaliðum félagsins og þá lengst af eina stúlkan á meðal strákanna.
Hafdís flutti til Vestmannaeyja árið 2019 og samdi við ÍBV. Hún lék alls ellefu leiki með ÍBV í öllum mótum það tímabilið.
Í byrjun sumars 2020 gekk hún tímabundið í raðir Víkings en skipti yfir í uppeldisfélagið fyrir sumarið og lék með 2. flokki Vestra þar sem hún skoraði tíu mörk.
Þá tilkynnti Víkingur á dögunum að Elma Rún Sigurðardóttir (2000) hefði skrifað undir samning við félagið. Elma gekk til liðs við Víking í byrjun árs 2020 og spilaði sinn fyrsta meistaraflokksleik í Reykjavíkurmótinu og fyrsta leik á Íslandsmóti þá um sumarið. Alls á hún 21 leik í öllum mótum fyrir Víking.
Víkingur endaði í 4. sæti Lengjudeildarinnar á síðasta tímabili.
Athugasemdir
