Þriðju umferðinni í Pepsi Max-deild kvenna lauk í fyrrakvöld. Breiðablik og Valur unnu bæði 6-0 sigra og leikmenn þessara liða koma við sögu í liði umferðarinnar.
Breiðablik vann KR 6-0 á heimavelli. Berglind Björg Þorvaldsdóttir skoraði þrennu þar og Sveindís Jane Jónsdóttir tvö mörk.
Valur vann Þór/KA 6-0 þar sem Hlín Eiríksdóttir skoraði þrennu og Elín Metta Jensen skoraði tvö mörk. Elísa Viðarsdóttir var mjög góð í vörn Vals í þeim leik. Pétur Pétursson er þjálfari umferðarinnar.
Selfoss vann sinn fyrsat sigur á tímabilinu þegar liðið lagði FH á útivelli. Clara Sigurðardóttir átti góðan dag þar og Kaylan Jenna Marckese var öryggið uppmálað í markinu.
Stjarnan gerði góða ferð til Eyja og vann ÍBV 1-0 þar sem Jasmín Erla Ingadóttir var maður leiksins á miðjunni og Ingibjörg Lúcía Ragnarsdóttir var öflug í vörninni gegn gömlu félögunum.
Mary Alice Vignola, vinstri bakvörður Þróttar, var maður leiksins þegar liðið gerði jafntefli við Fylki á útivelli. Þar skoraði Bryndís Arna Níelsdóttir bæði mörkin fyrir Fylki.
Sjá einnig:
Lið 1. umferðar
Lið 2. umferðar
Athugasemdir