Það er ljóst að Manchester City mun ekki jafna met Chelsea sem liðið setti í ensku úrvalsdeildinni tímabilið 2004/2005.
Chelsea vann þá deildina undir stjórn Jose Mourinho og fékk aðeins á sig 15 mörk í allri keppninni sem er ótrúlegur árangur.
Vörn Man City hefur verið frábær á þessari leiktíð en liðið fékk á sig eitt mark í 2-1 sigri á West Ham á Etihad í dag.
Bláliðar hafa nú fengið á sig 16 mörk í 26 leikjum sem er marki meira en Chelsea fékk á sig fyrir um 16 árum síðan.
Það eru þó líkur á að Man City endi með betri markatölu en Chelsea skoraði 72 mörk það tímabil og fékk á sig eins og áður sagði 15.
Pep Guardiola og hans menn hafa skorað 52 mörk en aðeins Manchester United hefur skorað fleiri eða 53.
Athugasemdir