Fótbolti.net

lau 27. maí 2023 15:29

Aksentije Milisic

Þýskaland: Bayern er þýskur meistari ellefta árið í röð (Staðfest)

Musiala er hetja Bayern.

Mynd: EPA

Dortmund klúðraði þessu.

Mynd: EPA

Union fer í Meistaradeild Evrópu.

Mynd: EPA

Lokaumferðin í þýsku úrvaldsdeildinni fór fram í dag og gerðust ótrúlegir hlutir. Dortmund var með titilinn í sínum höndum fyrir umferðina en liðið mætti Mainz á heimavelli á meðan Bayern heimsótti Köln. Dortmund þurfti bara að treysta á sjálfa sig og vinna leikinn.

Hlutirnir byrjuðu ömurlega fyrir Dortmund en þeir gulklæddu voru tveimur mörkum undir í hálfleik og hafði Sebastien Haller klúðrað vítaspyrnu í stöðunni 0-1. Bayern Munchen var 0-1 yfir gegn Köln á útivelli svo það var Bayern sem var á toppi deildarinnar þegar flautað var til hálfleiks.

Raphael Guerreiro minnkaði muninn fyrir Dortmund þegar um tuttugu mínútur voru til leiksloka en Dortmund þurfti meira en það. Á 80. mínútu breyttist allt en þá jafnaði Ljubicic metin fyrir Köln gegn Bayern sem þýddi það að Dortmund var allt í einu komið á toppinn þrátt fyrir að vera enn marki undir.

Á 89. mínútu sló hins vegar þögn á Signal Iduna Park en þá bárust þær fréttir að Jamal Musiala væri búinn að koma Bayern í forystu gegn Köln. Það mark reyndist tryggja Bayern Munchen þýska titilinn ellefta árið í röð. Þvílíkt og önnur eins dramatík.

Dortmund jafnaði metin á sjöttu mínútu uppbótartímanns en það var alltof seint og Bayern er því meistari.

Union Berlin verður í Meistaradeild Evrópu á næstu leiktíð í fyrsta skipti í sögu félagsins. Union vann Werder Bremen á heimavelli á meðan Freiburg tapaði gegn Frankfurt. Union endar því í fjórða sæti deildarinnar en Freiburg í því fimmta.

Frankfurt náði að komast upp fyrir Wolfsburg og í sjöunda sætið en Wolfsburg tapaði á heimavelli. Frankfurt mun því fá sæti í umspili fyrir Sambandsdeildina þó liðið tapi bikarúrslitaleik sínum gegn RB Leipzig.

Schalke 04 er fallið eftir tap gegn RB Leipzig en og þá náðu Bochum og Augsburg að halda sæti sínu í deildinni. Stuttgart endaði í 16. sætinu og mun mæta liði úr B-deildinni í umspili um laust sæti í efstu deild.

Stöðutaflan á eftir að uppfærast

Borussia D. 2 - 2 Mainz
0-1 Andreas Hanche-Olsen ('15 )
0-1 Sebastien Haller ('19 , Misnotað víti)
0-2 Karim Onisiwo ('24 )
1-2 Raphael Guerreiro ('69 )
2-2 Niklas Sule ('90 )

RB Leipzig 4 - 2 Schalke 04
1-0 Konrad Laimer ('10 )
2-0 Christopher Nkunku ('19 )
2-1 Marcin Kaminski ('28 )
2-2 Willi Orban ('49 , sjálfsmark)
3-2 Yussuf Poulsen ('82 )
4-2 Christopher Nkunku ('90 )

		L	U	J	T	ms:	mf:	mun	Stig
1	Bayern	32	23	7	2	93	32	+61	76
2	Leverkusen	32	19	11	2	68	37	+31	68
3	Eintracht Frankfurt	32	16	8	8	63	43	+20	56
4	Freiburg	32	15	7	10	46	49	-3	52
5	Dortmund	32	15	6	11	64	49	+15	51
6	RB Leipzig	32	13	11	8	51	45	+6	50
7	Mainz	32	13	9	10	49	40	+9	48
8	Werder	32	13	8	11	50	56	-6	47
9	Gladbach	32	13	6	13	55	54	+1	45
10	Stuttgart	32	12	8	12	57	51	+6	44
11	Augsburg	32	11	10	11	34	45	-11	43
12	Wolfsburg	32	10	9	13	53	52	+1	39
13	Union Berlin	32	9	10	13	33	47	-14	37
14	St. Pauli	32	8	7	17	26	37	-11	31
15	Hoffenheim	32	7	10	15	44	62	-18	31
16	Heidenheim	32	7	5	20	33	60	-27	26
17	Holstein Kiel	32	6	7	19	48	75	-27	25
18	Bochum	32	5	7	20	30	63	-33	22