John Brooks leysir Mason af hólmi en Jonathan Moss verður aðaldómari í leiknum.

Mason kveðst hafa meiðst í leik sem hann dæmdi í gær, leik Brighton og West Brom.

Mason fékk mikla gagnrýni fyrr atvik sem átti sér stað í leiknum. Brighton skoraði mark beint úr aukaspyrnu sem var dæmt af. Mikil reykistefna var í kringum markið sem Lewis Dunk skoraði á 29. mínútu. Sam Johnstone, markvörður West Brom, var enn að gera sig klárann en þá flautaði Mason og Dunk tók spyrnuna.

Markið var dæmt af fyrst, Mason breytti um skoðun og dæmdi mark. Þá hópuðust leikmenn WBA að honum. VAR skoðaði atvikið gaumgæfilega og í kjölfarið var ákveðið að dæma ekki mark. Mjög furðulegt allt saman.

Dunk, sem skoraði markið, sagði í viðtali eftir leikinn að ákvörðun Lee Mason hafi verið til skammar.

Mason átti að vera fjórði dómari í kvöld en getur það ekki vegna meiðsla.